Manipur: Moreh-ah Assam Rifles ten bungraw tawlhruk man

Assam Rifles ten Manipur-a Tengnoupal district-a Indo-Myanmar ramri ah bungraw tawlhruk tum an man.

Paramilitary force-te hian Inrinni liam taa an dan pangngaia patrol an neihnaah lirtheia an inhlanchhawng lai an hmuh thu Pathiannia an thuchhuahah an tarlang a ni. Bungraw inhlanchhawngtute hian Assam Rifles ten an hmu tih an hriat avangin an lirthei pawh an tlanchhiatsan nghal a ni. Helai hi mi tamna hmun, market area a nih avangin thil sual titu te hi an tlanbo hman a ni. An lirthei tlanchhiatsan tak hi uluk taka an enfiah hnuin foreign zu case 115, ip a inkhung khawm an man a ni. Heng bungraw hlut zawng hi international market ah Rs nuai li vel nia rin a ni. Sipaite hian an zu man leh lirthei pahnihte hi Moreh-a custom official kutah hlanin, chhuizui zel tura tih a ni bawk.