Doctor indaih lohna phuhrukna atan Meghalaya-in MBBS diploma institution siam tum

Meghalaya cabinet chuan an state-a doctor indaih lohna phuhrukna kawng khat atan, health department-in rawtna a siam angin MBBS tan specialistation tih theihna tur two-year diplomaa course institution din a remti. 

Deputy chief minister Prestone Tynsong chuan, "Specialist doctor hi 121 velin kan mamawh belh a ni. Hei vang hian he ruahmanna hi siam a ni a, kum hnih hnuah chuan keimahni state aṭanga chhuak ngei specialised doctor-te kan nei thei tawh dawn a ni," a ti. 

Tynsong chuan sorkar chuan training centre hi din thuai a tum tih sawiin, he hmuna MBSS training-te chu specialist tih an ni ang, mahse specialist doctor pangngai hnuai an ni thung ang, tiin a sawi. 

State cabinet chuan  Draft Meghalaya Nursing Council Rules 2020 leh  Meghalaya Nursing Council Regulations 2020 siam rawtna pawh a pawm bawk.