AASU-in CAA duh lohna lantir tum

All Assam Students' Union (AASU) chuan December 12 hian state pumah Citizenship Amendment Act, 2019 duh lohna lantir an tum. 

December 12 hi he dan siam champha vawi khatna a ni. Kum 2019, December 9 khan Lok Sabha chuan Citizenship (Amendment) Bill hi a pawm a, December 11-ah Rajya Sabha in a pawm ve leh a ni. 

Assam leh hmarchhak state hrang hrang bakah, ram chhung hmun dangah pawh he bill dodalna nasa taka lantir a ni chungin, December 12, 2019 khan President chuan bill hi pawmpuiin, a hming a ziah hnan a, Act-ah chantir a ni. 

AASU hruaitute chuan AASU leh a thurualpui, tualchhunga pawl hrang hrang 30-te chuan he dan hi sut turin sorkar nawr leh an tum tih a sawi. 

December 12-ah district AASU unit tin chuan CAA duh lohna lantirin nawrh hi an huaihawt dawn a, nawrhna hmuna CAB dodalna lantirnaa nunna chan, martarte thlalak pawh pho chhuah a ni dawn tih an sawi.