Meghalaya: Meghalaya tourism forum-in Sikkim-style taxi an duh lo

Meghalaya Rural Tourism Forum (MRTF) chuan All Meghalaya Khasi Tourist Taxi Associations (AMKTTA) rawtna, ramdang mi khualzin phur taxi te an state chhunga luh tir phal loh an rawtna chu an hnawl. AMKTTA

rawtna hiam an state-a tourism industry tan nghawng ṭha lo tak a nei thei dawn niin an sawi.

MRTF president Alan West Kharkongor chuan Sikkim-style taxi ang hman ve chu an state awmna hmun nen a inmil loh thu a sawi a; Tripura, Mizoram leh Assam kaltlangna anni tih a sawi. Kharkongor chuan hetianga state dang taxi-te khuahkhirhna lo siamsak chuan Indian Constitution hnuaia state dang nen an insumdawntawnna palzut thei thil a nih thu a sawi a, an state taxi-te pawhin Guwahati airport-ah buaina a tawh theih thu a sawi bawk.

Forum chuan state pawn taxi-te Meghalaya a luh phalsak an nih loh chuan an state tourism leh economy in nasa takin a tuar dawn a ni, a ti. Khualzinte tan an chuanna lirthei an thlak a ngaih ṭhin dawn avangin sum an sen belh a ngai dawn a, hemi chungchangte pawh hi ngaihtuah tel a ṭul thu a tarlang. MRTF chuan Tourism Minister hnenah lehkha thawnin rawtna leh ngenna lo awm tawh sa chu state sorkarin committee koin ngaihtuah ṭha leh se an duh thu an sawi.