Sikkim: Ramriah Army commander conference nei dawn

Indian Army-a senior commander-te chuan a vawikhatna atan October 10-11, 2024 hian Sikkim-a China ramri, Line of Actual Control (LAC) bulhnaiah conference an nei dawn.

He conference hi defence minister Rajnath Singh-a'n a kaihruai dawn a ni. He meeting hi June 30, 2024 a Chief Army Staff a kaisang ta, General Upendra Dwivedi lawmluhna conference a nih nghal bawk ang.

General Dwiveda chuan China nen buaina chu ziaawm chho mah se boruak a pangngai lo a ni, a ti. LAC-ah hian India leh China hi kum li an buai tawh a, kumin thlasik hian a kum ngana a tling tawh dawn a ni.

Meeting-ah hian LAC chungchanga buaina thleng mek sawi hona hun an nei dawn a, buaina thlenna nasatna lai Ladakh leh Arunachal Pradesh a India mite leh China mite intihbuaina kal zel chu ngunthluk takin an ngaihtuah ho dawn a ni. Conference thawh hnihna hi New Delhi-ah October 28-29 ah chhunzawm a ni ang.