Assam: Special Task Force (STF) ten buhfai ton 600 a rit an man

Assam Police-a Special Task Force (STF) chuan Thawhlehni zan khan Kamrup district-ah buhfai ton 600 a rit phur lirthei leh mi pahnih an man. He buhfai phur motor hi registration number AS19-AC-5078 niin Madanpur toll plaza, Changsari police station huamchhungah STF ten an man.

Lirtheiah hian buhfai bag tam tak hmuh a ni a, zawhna an zawh hnuah document mumal nei loa phurh an ni tih an hrechhuak a ni. He lirtheiah hian fortified rice kernel (FRK) ton 30 chu bag 600-ah an dah. Heng buhfai hi Public Distribution System (PDS) hmanga sem tur, phalna nei loa an lo phurh nia rin a ni.

STF chuan an mi mante hian buhfai hi Barpeta district, Assam aṭanga phurchhuah niin Meghalaya-a phurh luh an tum tih an sawi niin an tarlang. Lirthei leh buhfai pawh hi an hrensak nghal a ni.