Assam tan NH project Rs vbc 80,000 hu siam tum

Union minister Nitin Gadkari chuan Ministry of Transport and Highways chuan Assam-ah National Highway (NH) project cheng vaibelchhe 80,000 siam a tum tih a sawi. 

Thawhlehnia India rama a hmasa ber tur, Assam-a multi-modal logistic park siamna tur lungphum a phumnaah minister chuan he thu hi sawiin,  financial year kal mekah NH, km 575-a thui, cheng vaibelchhe 3,545 senga siam chu zawhfel hman tum a ni, a ti. 

Nakkumah National Highway siam hna thawhna tur Rs vch 15,000 pek a ni dawn tih a sawi bawk a ni. 

State chhunga cheng vaibelchhe 21,000 senga kawngpui siam hna thawhna tur DRP chu peih fel a ni dawn tih a sawi. 

Central Road Fund (CRF) scheme hnuaiah NH km 203, Rs vbc 610 senga siamna tur chu pawm a ni tawh tih sawiin, state MLA leh MP hrang hrangten road proposal an siamte pawh tihfel a nih thu Gadkari chuan a sawi bawk.