Assam: CM-in Smart Street Lighting Project a hawng

Assam chief minister Himanta Biswa Sarma chuan Nilaini, October 9, 2024 khan Guwahati-ah Smart Street Lighting Project thawh khatna a hawng.

Project hawnna inkhawm hi Nandi Mikir Primary School, Chachal, Guwahati-ah neih a ni a, minister of housing and urban affairs Ashok Singhal leh Guwahati Municipal Corporation mayhor Mrigen Sarania ten an telpui a ni.

Rs vbc 83.96 man project hmang hian Guwahati khawpuiah LED street light 11,000 chuang dah tum a ni a, hei hian lighting sytem rintlak zawk a siam bakah khawpui pawh a him phah zawk dawn a ni. Centralised Control and Monitoring Systems (CCMS) chuan a enkawl hna a thawk ang.

He project hmanga street light dahah hian feature dah tel a ni a, group control option bakah zanreiah amahin a eng hi a dim thei dawn a, hei hian a enkawl kawnga hautak lutuk tur pawh a veng thei dawn a ni. He hmalakna hian Guwahati khawpui a chei mawi rualin electric renchem kawngah pawh a pui thei hle dawn a ni.