Manipur: District 4-ah silai leh a mu man

Manipur-a district pali, Champhai Hill, Imphal East District; Khelakhong, Imphal West District; Kangvai, Churachandpur District leh Bishnupur District a Gelbung khuaah security force-ten silai leh a mu tam tham tak an man.

Security force-te hian Nilaini khan M-16 pakhat, SLR pahnih, .22 rifle pakhat a mu tello vek leh carbine pahnih leh a mu panga, country made 9mm pistol pariat leh a mu 30 bakah 2" mortar ILLU 12 chu Champhai Hill, Imphal East District ah an man a ni.

Khelakhong, Imphal West District-ah hian Thawhlehni khan SLR rifle pakhat leh a mu, modified .303 rifle leh a mu, M67 hand grenade pahnih, tube launcher, tear smoke shells leh hand granade te an man bawk. October 7 khan tualchher pistol, hand grenade, analog handset chu Kangvai, Churachandpur District ah an man a, hemi ni vek hian Gelbung khua, Bishnupur District ah AK-47 rifle pakhat, bore-shotgun 12, granade leh ralthuam chi hrang hrang an lo man tawh bawk.