Meghalaya:Everest Expedition 2025 atan Meghalaya NCC cadet thlang

Meghalaya-a St. Anthony's College NCC cadet Rifiness Warjri-i chu khawvela tlang sang ber lawn chhuak tura NCC Mount Everest Expedition 2025 atan thlan tel a ni.

Warjri hian 61 Meghalaya Bn NCC, NCC Group Head Quarter, Shillong hnuaia 61 Meghalaya Bn NCC hmingin a tel dawn a, he expidition-a tel tura hmarchhak aṭanga thlan awmchhun a ni. A hmain meter 7,355-a sang Mount Abi, Uttarakhand ami chu a lo lawn chhuak tawh bawk. He a hlawhtlinna hian North Eastern biala ṭhalaite ah entawn tur leh chona nasa tak a pe a ni.

NCC Mount Everest Expedition 2025 hi Warjri mai bakah hmarchhak bial mipuite tan hriatreng tlak a ni tawh dawn a, ṭhalaite thiamna leh theihna khawvel pumpuia lantirna hun pawimawh tak a ni bawk a ni.

NCC Directorate North Eastern Region pawhin Warjiri hi an lawmpui thu sawiin, theihtawp chhuah a a beihna chu an chhuang hle tih an sawi a, expedition an neih turah pawh duhsakna an hlan nghal bawk