Tripura sorkarin bus nei-tute thil phut remtih sak

Tripura sorkar chuan Bus Owners' Syndicate-in state chhunga bus service-te seating full capacity phalsak tura an phutna chu a remtih sak a, bus chauh ni lo motor dang pawh seat full-a chuan a phalsak. 

Bus neitute hian bus service a nih hnuah hri leng vangin sorkar chuan seat full-a lak a phalsak lo a, hei vang hian sum tam tak an hloh phah niin an sawi. Kar kalta Inrinni aṭang khan sorkar chu zangnadawmna pe tura phutin nawrh an huaihawt a ni. 

Transport minister Pranajit Singha Roy chuan bus operator-te chuan thla ruk liam ta chhunga an sum hloh phuhrukna atan bus fare chu tihpun an phut tih a sawi. Mahse inbiakna an neih hnuah bus-te hi full seat capacity-a an service phalsak niin,  fare ti to lo tura tih an ni, a ti. 

Hemi rual hian bus-a chuangte chuan face mask an vuah ngei ngei tur a ni, a ti bawk.