Manipur: Sorkar hriat pui loh khuaah sorkar scheme hmang thei dawn lo

Manipur chief minister N Biren Singh chuan an state-a thingtlang khua, sorkarin a hriatpui loh, 'unregistered' te chuan sorkar scheme an hmang thei dawn lo a, hamṭhatna awmte pawh an dawng ve dawn lo tih a sawi.

Chief Minister chuan a kaihhruai sorkarin ramngaw leh environment venhimna tura hma a lak dan chungchang a sawinaah he thu hi a sawi lang a ni.

Singh chuan 'unregistered' khua tihte chu eng tak nge tih sawi chiang lo mah se, kum 2006 hnu lama Kuki hnam tamna hill district hrang hrangah khaw din tharte nia ngaih an ni. Heng khuaah hian dan loa Myanmar aṭang arawn lut, Kuki-Zo hnam chengin, sorkarin a hriatpui lo nia sawi an ni.

Chief Minister Singh chuan Nilaini khan Manipur ramhnuai humhalh leh chenna leilung venhim kawnga ṭanpuina te chu sorkar hriatpuina nei lo thingtlang khaw miten an dawn ve theih dawn loh thu hi a sawi.

Sorkar thupuangtu Dr Sapam Ranjan chuan media nen an in biaknaah sorkar hriatpui leh enkawl ram te chiahin sorkar aṭanga hamṭhatna awm thei, MGNREGA, PM Surya Ghar leh hamṭhatna dang dangte pawh an dawng thei dawn a ni, a ti.