Assam: Assam ah magnitude 4.2 a na lirnghing

Assam ah nimin, Pathianni khan magnitude 4.2 a na in lir a nghing a, Guwahati khaw pumpuiah mipui an ralkhel nasa hle.

Lir nghin hun hi zing dar 7:47 velah niin, a inṭanna hi Brahmpatura hmarlam, Udalguri dstrict-a lei hnuai km 15 velah a ni. Guwahati aṭanga hmar lam,km 105 vela hla, Assam-Arunachal Pradesh inrina bul, Tezpur aṭanga khawthlang lam km 48 vel a ni.

Lirnghing vang hian nunna chan emaw bungraw tihchhiat leh chhiatna lian tham emaw a thlen report a awm lo. Hmarchhak bial, Assam pawh tiamin lirnghing thlen duhna hmun a ni a, henglai hmunah hian lir a nghing zing hle a ni.