Meghalaya: BSF ten Ramri-ah Bangladesh mi man

Border Security Force (BSF) te chuan West Garo Hills, Meghalaya-a India leh Bangladesh ramriah Bangladesh mi Rabiul Islam, Sherpur, Bangladesh a cheng chu an man.

BSF te hian dan loa ramri rawn kaltlang a, India rama rawn luh a tum lai an man tih an sawi a, Dalu Police Station-ah chhuizui zel tura hren mek a ni.

Thla enge maw zat kaltaa Bangladesh-a tualchhung buaina nasa thleng avang hian, Bangladesh mi India rama rawn luh tum an pung nasa hle. Bangladesh nena inri state hrang hrang pawhin dan loa luh tum an pun avangin venhimna lam pawh khauh takin an kalpui a ni. India rama rawn luh tum te hian Aadhaar leh PAN card lemte an hmang ṭhin nia sawi a ni.