Arunachal: Defence Minister Rajnath Singh-a'n BRO project 18 hawng

Defence minister Rajnath Singh chuan Inrinni liam ta, October 12, 2024 khan khan virtual hmangin Arunachal Pradesh-a Border Roads Organisation (BRO) hnuaia transformative infrastructure project 18 a hawng.

Minister-in project a hawn zingah hian kawngpui siamna tur pathum, bridge 15 sak tur leh, Project Brahmank thawh tura tih helipad siamna tur pawh a tel a ni.

Arunachal Pradesh Governor Lt Gen (retd) KT Parnaik chuan Itanagar aṭangin virtual programme hi a lo telpui a, ram leh hnam tan he project pawimawh zia te sawi langin, hna hi zawh fel a nih hunah chuan ram venhimna lam a tih chak dawn bakah, lei lam leh boruak-a inkalpoawhnaah hmasawnna a thlen dawn a, tourism pawh nasa takin a ṭhan phah thei dawn a ni, a ti. Arunachal Pradesh aiawhin sorkar laipui hnenah he project hi thawh a nih dawn tak avangin lawmthu a hrilh bawk.

Governor chuan infrastructure hian a bik takin ramria chengte tan khawtlang nun leh khawsak phungah hmasawnna a thlen dawn a, Vibrant Border Village programme leh state sorkar 'Seva Aapke Dwar' te pawhin direct-in mipui hnen a thleng thei dawn a ni, a ti.

Arunachal Pradesh law and justice minister Kemto Jini pawh project hawnnaah hian telin, heng project hian state chhuhng intlawhpawhna kawnga hmasawnna a thlen dawn a, hun lo kal zel tur atan a pawimawh em em a ni, tiin a sawi.