Manipur: Dan loa chhiah khawn ṭhin mi 370 man tawh

Manipur police-te chuan mi vau a, dan loa chhiah khawn ṭhinnaa inhnamhnawihte bakah, invauna leh inṭihṭhaihna kawnga tel ṭhin te chu mi 370 chuang chu kum liam ta chhung khan an man niin IGP (Intelligence) K Kabib chuan a sawi.

Police-ten an mi man zingah hian helpawl, kawng laka mi suam ṭhin te leh dan phal loha pawisa khawn ṭhin te an tel. Heng suahsualna lo pung zel bei let tur hian state chhung mite inpekna pawh a pawimawh hle tih IGP chuan a tarlang bawk.

K Khabib chuan Inrinni khan mi 250 an man tawh thu sawiin heng an man zingah hian helpawl, anti-social leh gang member te telin an birukna hmun aṭanga man an nih thu a sawi bawk a ni. Heng bakah hian mi 121 dan phal loha pawisa khawn, bomb hmanga mi vau ṭhin, dik lo taka sumdawnna nei, zirna in te leh unorganized sector-a pawisa khawn ṭhin te an tel a ni. Khabib chuan ramchhunga dan loa pawisa khawn ṭhinin a nghawng kal zelah, kawng laka in rawk leh insuam te pawh a hluar phah nasa hle a ni, a ti.

National leh state highway-ahte dan phal loha pawisa khawn tlingkhawm hi cheng vaibelchhe tel a tling ṭhin. Hetiang buaina thleng ṭhin sorkar laipui kaihhruainain Manipur sorkar chuan state home department chhungah anti-extortion cell a din a ni. Director General of Manipur police kaihhruaina in police cracking team 15 chu district hrang hrangah siam a ni bawk.

IGP chuan vantlang mipuite pawhin heng sualna te ti reh tur hian tha an thawh ve a ngai a, police leh mipuite thawh hona a ṭhat chuan hmun him zawk leh thlamuanthlak zawk an siam thei dawn tih a sawi.