Sikkim: SSB Inspector General-in Sikkim CM hmu

Sashastra Seema Bal (SSB), Siliguri-a Inspector General Sudhir Kumar chuan Sikkim chief minister Prem Singh Tamang chu Pathianni khan a chenna inah ramri chungchang sawipuiin a hmu.

Inspector General Kumar hi Sector Headquarters DIG Balwan Singh leh 2nd in command Sunil Kumar ten an ṭawiawm a ni.

Official thuchhuahin a tarlan danin, an meeting-ah hian ramria buaina an tawh te sawi ho a ni a, tun hnaia hmasawnnna leh hma lakna thar an neih te pawh an sawi ho bawk.

Kum 20 liamta aṭang khan SSB hian Indo-Bhutan ramri, Sikkim-a km 32 thui leh West Bengal-ah km 183 a thui venhim hna an lo thawk tawh ṭhin a ni. Ramri ah hian ram leilung chhiatna, dan phal loh bungraw tawlhruk, dik lo taka sumdawnna, helna, chi inthliarna te leh sik leh sa inthlakdanglam nasa tak lakah te hma an lo la tawh ṭhin.

Ramri ah hian danin a phal loh bungrua tawlhruk, ralthuam hralh te leh mihring zawrh a hluar hle. North-East leh North Bengal-a anti-national element ten Bhutan ramchhungah dan phal lohin training camp an sak thu hriatchhuah a ni a; ULFA, BDFB leh KLO helpawl pawhin Bhutan ramngaw ah training-na hmun neiin nuamsa takin an khawsa mek tih an hrechhuak bawk. Heng harsatna leh buainate hmachhawn tur hian SSB chuan tunlai technology changkang tak hman bakah, tualchhung mipui te nen border enkawl leh venhim kawnga hnathawh ho a nih theih nan hma lak dan tur an rel a ni.

Ministry of home affairs pawhin SSB hmalakna tih chaknan hian Nepal leh Bhutan ramri, abik takin tri-junction area, Sikkim-ah te sipai battalion dahbelh a remti bawk.