Meghalaya: Educator Brother Eric Steve D'Souza boral

Zirtirna kawnga mi hmingṭha, 'Dasu' tia hriat lar Brother Eric Steve D'Souza chu October 13, 2024 khan a thi.

Meghalaya chief minister Conrad K Sangma chuan Brother Eric Steve D'Souza thih thu hi puangin, zirna kawnga a thawhlawk dante a sawilang bawk.

Brother D'Souza hian zirna kawngah hriatreng tlak tam tak hnutchhiahin Bollywood superstar Shah Rukh Khan pawh St. Columbia School, New Delhi ah a lo zirtir tawh ṭhin a ni. India rama zirna in ṭha tak takah lo thawk kual tawhin; St. Edmunds School Shillong, Meghalaya ah hun rei tak a thawk bawk.

Zirna lam a ngaih pawimawh em vangin Meghalaya-ah hian naupan dinhmun hnuaihnung zawkten zirna an dawn theihna turin Providence School a lo din bawk a ni.

Brother D'Souza hi Christian Brothers congregation, West Bengal, New Delhi, Mangalore, Assam leh Meghalaya ah zirtirna a pe ṭhin a, naupang a hmangaihna leh a inpekna chuan zirlai naupang tam tak rilru a khawih nasa ṭhin hle.

Chief Minister Sangma chuan a ui thu leh hriatreng a nih tawh tur thu a sawi a. Brother D'Souza chanchin chu educator leh zirlaite fuihtu ṭha tak a ni zel dawn a ni, a ti.