Assam: Ruihhlo Rs vbc 4.5 man hu an man

Assam Police Special task Force (STF) chuan Thawhṭanni, October 14, 2024 zing khan ruihhlo Rs vbc 4.5 man hu an man.

Ruihhlo hi Nagaland aṭanga Guwahati pan lirthei, registration number AS01-RC-2336-ah phur a ni a, he motor hi Kamrup Metropolitan district-a Jorabat ah police te hian an lo man a ni.

STF hian lirthei an endikna lamah plastic sahbawn bawm 45 chhunga heroin 537.2 gram a rit chu an hmuchhuak a, truck driver hi drug zuar hlun tak a ni tih an hrechhuak nghal bawk. An mi man hi Rananjay Mandal (46) Assam Barpeta district mi, Guwahati Basistha Area-a cheng lailawk a ni. Police te chuan chhuizui zel turin an hreng zui a ni.