Tripura: Social media-a thil post vangin a nupui leh pizawn that

Tripura-ah Pathianni khan mi pakhat chuan a nupuiin Durga Puja lawmna thlalak, social media-a postah a ṭhian mipa pahnih an lan tel avangin a nupui leh a pizawn a that.

Pawikhawihtu hi kum 51 mi niin, Sepahijala district-a Madhupur a cheng a ni. A nupui thlalak post a hmuh hian hriamhrei nen a nupui leh a pizawn ten inlam an pan chu zuiin a that ta a ni. Tualthattu hi a fapa pahnih nen Madhupur-ah an cheng a, a nupui hi inṭhen dilna thehlut lai mek niin, a nu nen hian Netajinagar-ah an cheng thung a ni.