Manipur: Dan loa pawisa khawnnaa inhnamhnawih mi 2 man

Manipur police-a anti-extortion cell chuan dan loa pawisa khawn leh a kaihhnawiha inhnamhnawih, valley-based hel pahnih an man.

Hel an mante hi People's Revolutionary Party of Kangleipak (PREPAK) mi leh sa an ni a, Inrinni khan an birukna hmun bulhnai Bir Tikendrajit International Airport, Imphal-ah man an nih thu Pathianni khan police ten an sawi. An mi mante hi Haobijam Sanathoi Singh (18) Tomthin tia koh ṭhin leh Irungbam Nganba Meitei (34) te an ni a; two wheeler, mobile handset pahnih leh driving license an man sak bawk a ni. An pahnih hian Imphal ah danloa pawisa khawn ṭhin kawngah an inhnamhnawih nasa hle nia hriat a ni.

Police-te hian Imphal-a vehicle dealership ten an showroom ah misual tu tih hriat lohin bomb an kam tih complaint an thehluh hnuin an man a ni. Hei hi pawl thar anti-extortion cell ten mi an man hmasakna ber a ni.

Anti-extortion cell hi Additional Director of General of Police (Law and Order) kaihhruaina in Inrinni khan din a ni a, dan phal loha pawisa khawn ṭhin hluar zel tih rem nan he pawl hi din a ni bawk.

Governor-in CAU Agriculture zirlaite tlawh

Manipur governor Lakshman Prasad Acharya chuanCentral Agricultural University (CAU)-a College of Food Technology, Lamphelpar, Imphal chu Pathianni khan a tlawh. Zirlai naupangte nena inkawmin, ram leh hman hmasawnna nana agriculture pawimawhna an sawi ho a ni.

Governor Acharya hi Dr. Anupam Mishra, CAU-a Vice Chancellor leh zirtirtuten lo dawngsawngin, College ei leh in siamna hmunhma te a fang a, university in tualchhung thilsiam kawnga an thawh hlawkna te a fak. Biofic Unit-ah sangha chi hrang hrang an khawina hmun pawh fang nghalin Northeast Food Museum, Ecotourism Park a mi chu a tawp khar nan a tlawh bawk.