Mithiamte'n ar pul hri len chhan zirchiang

Imphal, Lamphelpat-a Indian Council of Agricultural Research (ICAR) poultry unit-a ar pul hri (bird flu) leng chu thuneitute chuan a lo chhuahna an hriat loh thu tarlangin, mi thiam te'n an zirhchian mek thu an tarlang.

ICAR Imphal-a scientist chuan ar pul hri veite sample chu enfiah atan ICAR-National Institute of High Security Animal Disease (NIHSAD), Bhopal-ah an thawn thu an tarlang a, a result chu state Department of Animal Husbandry Dairy and Fisheries (DADF) secretary hnenah an hriattir thu a sawi a, ICAR-NIHSAD-in ICAR Imphal hnena result a hriattir loh chhan chu ICAR-NIHSAD chu ran natna enfiah tur chauh an nih thu leh media kaltlanga result puang tur an nih loh thu a sawi.

Hetihlai hian April 20 aṭanga bird flu hri leng avanga ICAR poultry unit-a ar an suat tawh zat chu 20,000 chuang a nih tawh thu ICAR-a technical officer chuan a sawi.