Arun Jaitley-a'n Arunachal harsatna bawhzuisak a tiam

Arunachal Pradesh sorkar­in sum lama harsatna a tawh mek thu Chief Minister Nabam Tuki-a'n a thlen chu Union Finance Minister Arun Jaitley chuan theih­tawp chhuaha lo bawhzuisak a tiam.

Jaitley chuan Arunachal Pradesh chu ram venhim kawnga pawimawh a nih thu sawiin, sorkar laipui pawhin a duhsak bik a ni, a ti.

Sum leh pai lama state harsatna chung­changah Chief Minister Tuki chuan tun hnai khan Jaitley hi Delhi-ah a hmu a, sorkar laipuiin state te hnen­a sum a pek dan kalphung a thlak danglam avang leh Centrally Sponsored Schemes (CSS) policy a tihchian loh avangin state te'n harsatna an tawh thu a sawi.

Planning Commission aṭanga NITI Aayog-a thlak a nih avanga sum pek dan kalphung tihchian a la nih loh avangin Tuki chuan state te chu sorkar laipuiin a ṭanpui lailawk a ngai a ni, a ti a, Central Taxes aṭanga state chanvo chu Ways and Means Advance (WMA) facility hmanga a pek a ṭul a ni, a ti.

CSS fund first installment chu a rang lama pe chhuak turin Tuki chuan Jaitley a ngen bawk.