Manipur sorkarin JNIMS Director leave a laktir

Manipur sorkar chuan Jawaharlal Nehru Institute of Medical Sciences (JNIMS) chhunga harsatna thleng mek vangin Director in-charge Prof M Shyamo Singh chu leave la turin a hriattir.

Health & FW-a Under Secretary Regina Hongray chuan Thawhṭannia order a tih­chhuahah, Prof M Shyamo Singh a chawlh chhung hian Health &FW Principal Secretary-in Director charge hi a lo la rih dawn tih a sawi.

JNIMS teachers association chuan Director hi thlak a, regular director leh superintendent nghet dah tur te, thla tin ni 5 hmaa an hlawh pe tur te, JNIMS governing council member-a an association member pahnih tal dah tura phutin hun eng emaw chen nawrh an huaihawt a, damlo tam takin harsatna an tawh phah a ni.

Chief Minister, Deputy Chief Minister leh Health Minister-te'n an thil phut hi ngaihtuah an tiam avangin Pathianni aṭang khan teachers association chuan kar thum chhung nawrh an huaihawt chu an titawp lailawk a, sorkar thuchhuak ngaihchan phawt an rel.

Thawhṭanni aṭang khan medical officer-te pawhin an hna an thawk chhunzawm leh a, hetihlai hian nurse-te chu an la nuar chhunzawm thung.