Meghalaya: Sorkar laipuiah Rs vbc 600 dil

Meghalaya sorkar chuan Social Welfare Department hnathawh tihchangtlunna turin sorkar laipuiah Rs vbc 600 an dil tih Minister Paul Lyngdoh chuan Thawhṭanni khan a puang.

Minister Lyngdoh hian department hnathawh dan leh sum hman dan review a neih zawhin contract a hnathawk te service dinhmun pawhsei sak leh technology thawmṭhat a ngaih thu a sawi. Department chu thuam chak a, case chinfel ngaite tihfel thuai leh service awm zawng zawng tihchangtlung a nih tur thu a sawi bawk.

Social Welfare Department hian case pawimawh tak, hmeichhia leh child helpline chu darkar 24 chhung an enkawl a ni. Lyngdoh chuan child helpline in an case chinfelna kawnga 90% hlawhtlinna an nei chu a fak bawk a ni. Department in a tlakchham mek te sawi ho a nih theih nan cabinet leh ministry-ah ah thlen a nih tur thu te, secretariat bepawpin case chinfel leh a hun taka dawnsawn a nih theihna turin a pui dawn a ni, a ti. Inchhunga tharum thawhna tuar ṭhinte tan department hian hna ṭha tak an thawh ṭhin thu sawiin, social worker la naupang tak takte department tana an inpekna chu a fak bawk a ni.