Assam: Oil leh gas laihchhuah phalna pek duh lohna lantir

Assam-a tualchhung lemziakthiam pakhat chuan Hollongpar Gibbon Wildlife Sanctuary, Jorhat district-a Mariani bul hnaia eco-sensitive zone-a mining company, Vedanta hnena oil leh gas laihchhuah phalna Assam sorkarin apek chu duh loin, danglam takin lungawi lohna a lantir.

Ministry of Environment, Forest and Climate Change-a Forest Advisory Committee (FAC) chuan Vedanta hnuaia Cairn Oil and Gas in santuary huam chhunga oil leh gas laichhuahna tura rawtna a thlen chu tun hnaia a pawmsak a ni. He thutlukna hian environmentalist leh tualchung mipuite a barakhaih hle a, Hoolock Gibbons leh sai awm tamna hmun a nih avangin thil tih chi ah an ngailo a ni.

Marcel Baruah, lemziakthiam chu huaisen taka rawn dingchhuakin oil leh gas laih chhuah tumna duhloh lantirnan Sivsagar kawtthlerah lungawi lohna a lantir a, NH-37 Sivasagar bypass bangah Hollongpar Gibbon Sanctuary venhimnan hian lem a ziak a ni. A lemziah hi police lamin tireh turin thu an pe a, mahse Baruah hi an la manlo thung.

Project thawh tumna hi upper Assam-a Jorhat district, Mariani bulhnai niin hectare 4.49 a zau a ni. Environmentalist te chuan ecosystem derthawng tak leh ramsa chi hrang hrang ral mai thei te chenna hmun leh thlamuang taka an awmna a nih vangin an dodal nasa hle a ni.