China sipaiten India ramchhung km 60 bialah camp an sa: AAPSU

All Arunachal Pradesh Students Union (AAPSU) chuan China sipaiten India ramchhung, ramri aṭanga km 60 bialah camp an sa tih an sawi.

BJP MP Tapir Gao-a'n China sipaiten India ramchhung Anjaw district, China leh Myanmar inrinaah camp a sawi hnuah AAPSU in field survey an nei a, camp 60 an sa tih an hmuchhuak a ni. chhuak bawk. Student union rorellai BJP sorkarah report thehluh tur an siam nghal bawk.

AAPSU Secretary Byabang Hapo Dui chuan Thawhṭanni khan ETV ah an thil hriatchhuah hi a sawilang a; Ashilang, Kapapu, Tinya, Plumplum, Pulamma, Preshu leh Hadera Takuru chu an enfiah thu a sawi. Heng hmun hi Anjaw district-a Changalagam revenue huam chhung a ni.

Hadera Takuru ah hian China sipaite chuan camp an sa a Preshu-a tualchhung loneitute chu China sipaite vang hian an awmna hmun an chhuahsan bawk niin a sawi. Dui chuan Arunachal Pradesh Lok Sabha MP pahnihte hnena an thu thlen Parliament in an la hrelo chu thinrimthlak a tih thu a sawi. Tapir Gao pawhin China sipaite hian Arunachal Pradesh ramchhung an rawn luh nasat thu sawiin sorkar laipuiin a ngaihthah tlat chuan China nen ramri chungchanga buaina hi a punlun zual dawn a ni, a ti.