Manipur: Dan loa pawisa khawntu mi 11 man

Central Force leh Manipur police ṭangkawp chuan helpawl mi 11, dan loa pawisa khawn te chu Imphal West District-ah an man a, an zingah hian hmeichhia pakhat a tel. An mi man te hi Kangleipak Communist Party (Nongdrenkhomba) mi leh sa an ni.

Hel 11 te hi Imphal West-ah Thawhṭanni khan an birukna hmun Langol-ah an man a ni. Security force-te chuan an kut aṭang hian pistol pahnih leh a mu, lirthei pathum (Toyota, car leh Royal Enfield) leh document siamchawp te an man bawk.

Superintendent of Police, Imphal West District, Kshetrimayum Shivakanta chuan KCP-N mi leh sate hian mi tihṭhaih ṭhin nia sawiin, leh social media influencer RK Ichalthoi pawh grenade in an vawm tawh niin a sawi.

Manipur police te chuan state chhunga dan loa pawisa khawn hluar zel tih remnan hian National Security Act (NSA) puihna dil an tum. He thubuaia an man ṭhenkhat chu National Investigating Agency (NIA) ah chhuizui tura hlanchhawn an ni. IPS Officer chuan nu leh pate chu an fate enkawlna kawngah ṭan la thar turin a chah bawk a ni.