Arunachal: West Kameng-ah sipaiin heritage museum siam

Indian Army chuan Arunachal Pradesh-a West Kameng district-a irang sub-division huam chhunga Nyukmadung khuaah Kameng Culture and Heritage Museum an siam. Mipuite tlawh theih turin an peihfel tawh a ni.

Guwahati-a Defence PRO Lt Col Mahendra Rawat chuan heritage museum hi remna leh muanna, himna leh ram leh hnam ṭhanlenna atana inpekna tilangtu a ni, a ti.

Kameng Museum hi Indian Army leh tualchhung mite thawh hona hmanga siam niin, state chhunga hnam leh sakhaw hrang hrangte inpumkhatna siamtu, cultural heritage lama Arunachal Pradesh hausakna tilangtu a nih thu Lt Col Rawat chuan a sawi.

Lt Col Rawat chuan museum hi October 23-ah Arunachal Pradesh chief minister Pema Khandu-a'n a hawng dawn tih sawiin, he hun hi union minister of state for rural development Kamlesh Paswan leh Gajraj Corps-a General Officer Commanding (GOC) Lt Gen Gambhir Singh ten an hmanpui dawn a ni.