GHADC term pawtsei leh dawn

Parliament session neih mekah district council te seat tihpunna atana Sixth Schedule amendment bill putluh a nih loh avangin Garo Hills Autonomous District Council (GHADC) term chu pawhsei leh a ni ang.

Meghalaya sorkar chuan Parliament-a Sixth Schedule amend a nghah avangin GHADC inthlan neihtir loin kumin February thla khan thla ruk chhung GHADC term a pawtsei a, hei hian August 17 thleng a awh dawn a ni.

Parliament session April 21 aṭanga neih ṭan hian May 8 thleng a awh dawn a, mahse Sixth Schedule amendment bill hi sawi ho an tum lo. Sorkar official chuan amenmend bill hi Union Ministry of Law and Justice-ah a la tang niin a sawi.