Manipur buaina vangin Meghalaya-ah ruihhlo zawrh a hluar : Paul Lyngdoh

Meghalaya social welfare minister Paul Lyngdoh chuan an ṭhenawm state, Manipur buaina avangin Meghalaya ah pawh ruihhlo zawrh a hluar sawt thu a sawi. Golden Triangle-a ruihhlo siam chhuah leh Manipur tualchhung buaina thleng mek chuan an state-ah a hluar zual phah niin a sawi.

Pual Lyngdoh chuan Manipur aṭanga ruihhlo lak luhte hian Meghalaya a suahsualna pung zel tihrem tuma hma lakna pawh nasa taka a tih ṭhuanawp thu a sawi a ni.

Ningani khan Lyngdoh chuan state chhunga ruihhlo zawrh tihtawp an tum thu a sawi a, mahse Manipur aṭang hian ruihhlo leh a kaihhnawih lak luh reng a nih tho avangin hmalak dan tur hriatthiam har a tih thu a sawi. Hei vang hian central lama hotute pawh hmuh a tum thu a tarlang. Meghalaya-a ruihhlo zawrh hluar ta em em tih rem kawnga hma lak pui tur leh inven dan tur sawiho pui turin India ram khawpui New Delhi ah amah ngei zin a tum thu sawiin, he buaina vang hian hma lak vat a tih rem dan kawng zawn a ṭul a ni, a ti. Sorkarin ruihhlo dona kawnga a hma lak dan hrang hrangte a sawilang bawk.