Tripura HC-in Law Secretary thubuai siamsak

Tripura Law Secretary Data Mohan Jamatia-a'n tualchhung chanchinbua judiciary chungchang mawi lo taka a sawi avangin Tripura High Court division bench chuan Contempt of Courts Act section 15 tlawhchhanin thubuai a siamsak.

Chief Justice Deepak Gupta leh Justice SC Das te awmna High Court divi­sion bench chuan thubuai chungchanga hearing a neihah May 6-a thubuai ngaihtuah hun atan counsel te chu witness list thehlut turin an hriattir.

Law Secretary Jamatia-a counsel Kamath chuan a client-in a insawifiahna chu tualchhung chanchinbua a tihchhuah tawh thu sawiin, "Ka client chuan Law Minis­ter office aṭangin a file a bo ngei a ni tih chiang takin a tarlang tawh a, hei bakah hian file note-a thu ṭhenkhat chu computer-ah delete a ni," a ti.

Chief Justice Gupta chuan, "Tu emaw chuan dawt thu a sawi ngei a, mahse dawt sawitu chu tu nge a nih ka la hre lo a ni," a ti.

Gupta chuan Law Secre­tary Jamatia chu a thil tih dikloh a pawm em tiin a zawt bawk a, Jamatia chuan a pawm loh thu a sawi.