Zu chhe in vangin mi pali an thi

Assam police te chuan Jorhat district-ah zu chhe in avangin mi pali an thih thu leh mi 98 an damloh thu Nilaini khan an tarlang. Damlo zingah hian kum tlinglo 25 an tel.

Zu chhe in vanga thi leh damlote hi Dholi Samaguri Tea Estate-a hnathawkte an ni a, tual­chhung zu a ruka zawrh an in hnuah an pum a na a, an luak bawk tiin Jorhat Superintendent of Police(SP) Amanjeet Kaur chuan a sawi.

Zu chhe inte hi tual­chhung damdawi-inah enkawl phawt an ni a, a hnuah Jorhat Medical College Hospital (JMCH)-a refer niin, pa­khat chu JMCH an thlen hnuah a boral nghal a, a zanah mi pahnih an boral. Nilaini khan hmeichhe pakhat a boral leh a, damlo mi 98 te hi an dinhmun a ṭha lo hle.

JMCH Superin­tendent Nilutpal Bhatta­charjee chuan damlote chu an ngaihtuahawm thu leh an zingah hian hmeichhe 27 leh naupang kum 15 hnuai lam 25 an awm thu a sawi.

Zu chhe zuartu police te'n an chhuinaah mi pathum an man tawh a, midang pawh man tumin an chhui zui mek a ni.