Sorkar laipuiin NE-ah deputa-tion-a a officer te dah a huam

Sorkar laipui chuan hmarchhak biala officer indaihlohna phuhruk nan hmarchhak bialah deputation-a a officer rualte dah a huam thu hmarchhak state hrang hrang sorkar te a hriattir.

Department of Personnel and Training (DoPT) Secretary Sanjay Kothari chuan Tripura, Nagaland, Mizoram, Meghalaya, Manipur, Assam, Arunachal Pradesh leh Sikkim Chief Secretary te hnena lehkha a thawnah, "Kum 1992 leh 2006 inkarah civil service officer in lak tlem avangin officer indaihlohna nasa tak in nei tih ka hria a, state sorkarin Central Secretariat Service (CSS) officer te a chhawr duh a nih chuan deputation basis-in a chhawr thei ang," a ti.

CSS hi sorkar laipui hnuaia service hmasa ber pawl a ni a, sorkar laipui inrelbawlnaa, policy duan leh a kalpuinaah an pawimawh hle.

Kothari chuan hmarchhak state sorkar chu CSS officer te an chhawr duh a nih chuan an post tur leh an chhawr duh hun chhungte tarlangin DoPT hnenah hriattir turin a ngen a, DoPT chuan CSS officer te chu state sorkar duhthlan theih turin a lo chhawpchhuak dawn a ni, a ti.