Tripura: BSF-in India-a luh tum Bangladesh mi 3 man

Border Security Force (BSF) chuan ni hnih chhungin dan loa India rama rawn luh tum, Bangladesh mi pathum an man. Hemi rual hian Kalamchaura area, Gurangola khuaa beihpui an thlaknaah BSF leh police te chuan dan phal loha pemluh kawnga pui ṭhin mi pakhat an man bawk.

BSF chuan Bangladesh mi pahnih, Dhaka ami te hi Rahimpur border outpost (BOP), Kalamchaura police station area-a Sipahijala dictrict bulhnaiah an man a, pakhat dang hi Mohanpur BOP, Sidhai police station area, West Tripura District ah Ningani khan an man tih an sawi.

Bangladesh tualchhung buaina a chhuah hnuah India rama rawn luh tum an pung hle a, hei vang hian BSF te hian Tripura ramriah hian dan phalloha luh tum ven hna ngawrh takin an thawk a ni.