Meghalaya: HYC-in ruihhlo do hna chak zawka kalpui phut

Meghalaya-a Hynniewtrep Youth Council (HYC) chuan an state-a ruihhlo do hna chak zawka kalpui a nih theihna turin, Meghalaya sorkar chu sorkar laipui nena ṭangkawpa Shillong-a Narcotics Control Bureau (NCB) office siam turin a phut.

HYC Central Executive Committee (CEC) in Inrinni liam taa meeting an neihnaah president Roy Kupar Synrem chuan state chhunga ruihhlo do leh rampawn aṭanga lakluh khapna chak zawka kalpui a nih theihnan NCB office neih a ṭul thu a sawi.

Union minister of state for home sffairs Nityananda Rai chuan Meghalaya chu ruihhlo hmanga sumdawng ṭhinte tlan tlang tamna hmun a ni a, ruihhlo leh a kaihhnawih a hluar mek laia NCB office a la awmlo chu a ngaihmawh thu alo sawi tawh a, ruihhlo leh a kaihhnawih laka fihlim nan NCB office dah a pawihmawh thu a sawi bawk a ni.

NCB hnathawhte en in Synrem chuan ruihhlo zawrh chhuizuina nei turin police unit dah a duh thu a sawi bawk. Special Police Unit emaw Anti-Narcotics Task Force (ANTF) awm tawh sa tih zauh belh a ngaih thute sawiin, heng unit-te hian ruihhlo leh a kaihhnawih state dang aṭanga rawn lut tur lo ven nan leh Narcotic Drugs and Phychotropic Substances (NDPS) Act te hnuaia case ziahluh a nih theih nan a ṭul a ni, a ti.