Assam: BJP-in by-election atana candidate an puang

Bharatiya Janata Party (BJP) chuan Assam Assembly by-election lo awm tura an candidate te chu Inrinni, October 19, 2024 khan an puang.

By-election hi contituency pangaah a neih tur a ni a, heng biala MLA-te chu Lok Sabha inthlanpui neih zawh takah MP atan thlan tlin an nih vangin, an bial hi an chhuahsan a ni.

BJP hian constituency pahnih Bongaigoan leh Sidli (ST) ah hian candidate an dah lo a, an thawhpui Asom Gana Parishad (AGP) leh United People's Party Liberal (UPPL) te an ding thung ang.

November 13-ah by-election hi neih a ni dawn a,inthlan neih tur hian vote nei mi 9,10,665 awmin, an zinga 4,55,924 chu hmeichhia niin 4,54,722 chu mipa an ni. Vote thlakna tur polling station hi hmun 1,078 ah siam niin, Sidli hian booth 273 neiin a nei tam ber an ni dawn a, Bihali hian 154 neiin a tlem ber anni ve thung. Official te chuan vote nei zingah hian pianphunga rualbanlo mi 4,389 an awm a, kum 85 chunglam mi 3,788 an awm tih an sawi.