Manipura-ah Saudi mi thi an awm lo : Saudi Ambassador

India rama Saudi Arabia Ambassador kar kalta Inrinni-a media ten Manipur tan-ina Saudi Arabian pahnih thah an nih thu an tarlang chu thu dik lo a nih tih Saudi newspaper a hrilh a, India ramah an ram mi leh sa tan-ina tang an awm loh thu a sawi.

Kar kalta Inrinni khan Manipur tan-ina tharum hmanga inbeihna thlengah mi pathumin nunna an chan a, an zing pahnih Sushak Yusuf Ahmed leh Abdul Salam te hi Saudi Arabian nia tarlan a ni. He inthahna thlenga thi te hi kum 2013 khan dan loa ram an kan hnuah Manipur an lut a, Manipur police te chuan manin, an hreng zui ta nia tarlan a ni. Hetih lai hian Saudi ambassador chuan dan loa ramri kantute hi Bangladesh mi an nih zawk a rin thu leh, Saudi Embassy chuan India ramah an mi leh sa tang an awm a hriat loh thu a sawi a ni.

Tanin chhunga inthah-na thleng hian sawizui a hlawh hle a, eng vanga thleng nge tih an la hriat loh thu tarlan a ni a, a thite te hi tute nge an ni tih erawh an hre tawh a ni. Saudi ambassador berin thi te chu an ram mi an nih loh thu a sawi tak avang hian ngaihven a hlawh zui hle. Buaina chhuah laia ṭhelh tumtu prison guard leh official pakhatin hliam an tuar tih tarlan a ni a, hei hian he inthahna thlen hnuah pawh security te chu an che chhuak lawk lo nia tarlan pawhin rinhlelh a hlawh zui hle bawk.