Rajya Sabha-ah samak chungchang sawi chhuak

Assam Environment, Forest and Climate Change Minister Anil Madhav Dave chuan kum thum kalta chhungin samak 94 thah a nih thu leh he thila inhnamhnawih mi 226 man an nih thu Rajya Sabha-ah a sawi chhuak.

Samak thi zinga a tam ber chu Kaziranga National Park a mite an nih thu minister chuan sawiin, sapeltute chetna do let tur hian Rhino Task Force din a ni a ti. Hei bakah hian Kaziranga Tiger Reserve veng himtu tur Special Rhino Protection Force din a nih thu a sawi. Dave chuan state sorkar leh sorkar laipui ṭangkawp chuan ramsa te himna tur zawnga hma an lak reng thu sawiin, sapel ṭhintute hremna na zawk pek an nih theih nan hma lak mek a ni, a ti bawk.