Hmarchhak-ah tourism college 12 din dawn

Ministry of Tourism (MoT) chuan hmarchhak hmun hrang hrangah tourism college dinna turin sorkar laipui chuan sum pek chhuah a remti niin a tarlang.

Thawhṭanni khan Lok Sabha-ah Union minister of state (I/c) for Culture and Tourism Dr. Mahesh Sharma chuan state sorkar leh Union territory-te chu hospitality development board din a, ministry-ah rawtna thlen turin thurawn pek an nih thu a sawi. Sharma chuan Maharashtra sorkar chuan hospitality development and promotion board a din tawh tih a tarlang.

Ministry of Tourism hnuaia sorkar laipuiin sum a pek chhuah tur te chu- State Institute of Hotel Management (Dimapur, Nagaland); Central Institute of Hotel Management (Guwahati, Assam); State Institute of Hotel Management (Itanagar, Arunachal Pradesh); State Institute of Hotel Management (Imphal, Manipur); Central Institute of Hotel Management (Shillong, Meghlaya); State Institute of Hotel Management (Aizawl, Mizoram); State Institute of Hotel Management (Gangtok, Sikkim); State Institute of Hotel Management (Agartala, Tripura); State Institute of Hotel Management (Jorhat, Assam); Food Craft Institute (Nawgaon, Assam); Food Craft Institute (Tura, Megha­laya) leh Food Craft Institute (Namchi, Sikkim) te a ni.

Tourism college dinna tura sum pek chhuah tur zingah hian a ding tawh sa Central Institute of Hotel Management (Guwahati), Central Institute of Hotel Management (Shillong), State Institute of Hotel Management (Gangtok) leh Food Craft Institute (Naw­gaon) pawh a tel dawn a ni.