Manipur CM Singh leh Kiren Rijiju inbia

Union Minister leh senior BJP leader Kiren Rijiju chuan Pathianni khan Manipur chief minister N Biren Singh bakah youth affairs and sports minister Govindas Konthoujam chu hmarchhak biala sport lama hmasawnna awm theih dante sawipuiin inbiakna a neihpui.

Meeting hi Delhi-ah neih a ni a, Manipur chief secretary Vineet Joshi pawh a tel ve a ni.

Chief Minister Singh leh Union Minister Konthoujam leh official dangte hian Kiren Rijiju chu hmasawnna lian tham tak tak ngaihtuahpui turin an ngen a, a bik takin Manipur a buaina thlen nasatna hmunah te an mamawh zual an tarlang.

Official thuchhuahah chuan union minister chu heng project, sport lam tihhmasawnna tur chu Prime Minister leh Ministry of Minority Affairs ten an remtihpuina ngeia kalpui a nih theih nan hma lak sak turin an ngen nghal bawk a ni.

Meeting-ah hian hruaitute chuan Manipur-ah world-class football stadium sak an duh thu sawiin, hei hi talent nei ṭha te phochhuahna hun leh sport lama tui mite chawikanna atan a ṭangkai dawn a ni tih Chief Minister pawhin X ah a sawi bawk.

Union Minister a nih hmuh hnuah Manipur CM hi Public Works Department (PWD) official-te nen inhmu lehin, khawpui leh thingtlang tihhmasawnna tur kawng hrang hrang an sawi ho leh a ni. Singh chuan sector hrang hrang a hmasawnna a awm theih nan inbiakna hlawkthlak tak an neih thu a sawi.