Meghalaya: Cabinet-in MRRSA tan budgetary scheme hman remti

Meghalaya cabinet chuan Meghalaya Residents Safety and Security Act (MRRSA) tihchangtlung nan budgetary scheme hman a remti. He scheme hi mi in leh lo luah hawhtute leh mipuite himna tura duan a ni.

Law minister Dr. Mazel Ampareen Lyngdoh chuan meeting zawh hnuah cabinet thutlukna hi a puang a ni.

He scheme hmang hian Deputy Commissioner te chu MRSSA kalpuina turin sum pek an ni dawn a, district tin hian a tlem berah cheng nuai hnih zel an dawng dawn a ni. Dorbar Shnong kalpuina district ah te hian fund hi pek belh theih a ni dawn bawk. He fund hmang hian MRSSA hnuaia District Task Force te puih an ni bawk ang.

Dr. Lyngdoh chuan he scheme pawimawhna hi sawizauin MRRSA hlawhtling taka kalpui a nih theih nan a ṭangkai thu a sawi a, District Task Force te chu MRSSA kaihhruaina hnuaiah mi in leh lo luahtu te enfiah tura mawhphurhna pek an ni, a ti.

MRSSA hi kum 2016 aṭang khan hman ṭan a lo ni tawh a, state chhungah dan phal loha pemlut an awm leh awm loh enthlithlaina tura tih a ni. Assam national Register of Citizens (NRC)-a tel lote an state-a pem lut an pun chohh hlauhthawnna avangin, civil society leh political leader-te ngenan avangin dan hi tun hnaiah siamṭhat leh a ni bawk.