Tripura: Finance Minister-in college 19 ah wifi facility hawng

Tripura finance minister Pranajit Singha Roy chuan Thawhṭanni khan state chhunga college 30 zinga 19-ah WiFi connection dah thar a hawng. A hawnna hun hi Udaipur, Gomati district-a Netaji Subhash Mahavidyalaya ah neih niin Minister hian service tih nun nan button a hmet a ni.

A hawnnaah hian official eng emaw zatin an telpui a, zirlaite kalkhawm leh Finance Minister hian zawhna leh chhanna hun an hmang bawk.

Minister Singha Roy chuan college 30 zinga 19 a WiFi service dah a nih ta chu lawmawm a tih thu sawiin, zirlai naupangte chu hmang ṭangkai turin a chah. Digital connectivitity pawimawhna sawiin, state sorkarin cybercrime laka zirlai naupangte an him nan hma a lak tur thu a sawi bawk.