Assam-ah sample nuai 25 test tawh

Assam health minister Himanta Biswa Sarma chuan nimin thleng khan state health department-in Covid-19 kai leh kai lo enfiahin, sample nuai 25 a test tawh tih a sawi. 

Minister chuan hri darh tur venna atana test hi a tam thei ang kalpui mek a ni tih sawiin, an state-ah mi maktaduai khatah 72,987 test ang an ni tih a sawi. 

Test zat a tam rual hian hri kai hmuh chhuah pawh an pung chak hle a, hri kai zingah dinhmun ṭha lo a, oxygen nena enkawl ngai pawh an pung zel. 

State pumah hri kai hmuh chhuah tawh hi 1,28,244 an tling tawh. Thawhṭanni khan hri kai hmuh chhuah thar mi 2,785 hmuh belh leh an ni a, an zinga 675 chu Guwahati ami an ni. 

Hri kai hmuh tawh zingah 96,823 chu enkawl dam ni tawhin, Covid-19 thihpui hi mi 370 an awm tawh bawk.