Manipur: District hrang hrangah ralthuam man

Indian Army, Assam Rifles leh Manipur Police te bakah security force dangte chuan Manipur ah ralthuam 12, silai mu leh hmanraw dangte an man tih Indian Army thuchhuah chuan a tarlang.

Official thuchhuah chuan Indian Army, Assam Rifles, Manipur Police leh security force dangte hian Manipur-a tlangram leh phaiahte ralthuam zawn beihpui an thlak reng tih a tarlang. An thawhhona a ṭhat avangin heng ralthuam tehi kar hmasa khan an man leh thei ta a ni.

October 15, 2024 khan Indian Army hian Manipur Police te thawhpuiin Leirongthel Pitra, Thoubal district-ah AK 56 rifle pakhat, SLR pakhat, carbine machine gun pakhat, single barrel rifle pakhat, pistol, grenade, silaimu leh ralthuam siamna hmanraw dangte an man.

October 16, 2024 ah Assam Rifles leh Manipur Police te hian Cannan Veng Village, Churachandpur District-ah .303 rifle pakhat, single barrel fifle panga, 9mm pistol pakhat, silaimu leh ralthuam siamna hmanruate an manchhuak tawh bawk An ralthuam mante hi police-te kutah an hlan nghal zel a ni.

Tualchhung buaina thleng mekte tireh a, boruak ṭha leh muanawm a awm theihna turin security force-te hian joint operation hi an nei a ni. Beihpui an thlaknaa an hlawhtlin bakah, tualchhung mite zingah pawh anmahni rin ngaman an tuh chho mek bawk.

Imphal Airport ah rangkachak tawlhru man

Rangkachak tawlhruk tum nia rinhlelh mi pahnih chu Imphal Airport, Manipur ah Thawhṭanni khan man anni. An kut aṭanga rangkachak an man sak hi regional market ah Rs nuai 44 hu a tling.

Heng mi pahnihte hi Central Industrial Security Force (CISF) leh Custom Division, Imphal-a Anti-Smuggling Unit-te ṭangkawpin an man a ni. Intelligence aṭanga thu an dawn bawhzuiin, Guwahati pan tur Indigo flight-a chuan an tum chu an man ta a ni. Security check an neihnaah gold chain pahnih, gram 623.52 a rit, an hand baggage a thuruk chu an man tel sak a ni.

An mi mante hi Lourembam Ramananda Mangang leh Kshetrimayum Gulson Meitei, Imphal West District-, Iroishemba aa cheng anni a, Customs Act, 1962 hmanga thubuai siamsak nghal an ni. An rangkachak man leh anmahni hi Customs Division, Imphal kutah chhuizui turin an hlan bawk.