Arunachal: Minister Wangki Lowang PSO hren a ni

Arunachal Pradesh-a environment & forest minister, Wangki Lowang hnuaia thawk personal security officer (PSO) Bijoy Dodum chu October 18 zana resort-ah silai a hmehpuah avangin Tirap police ten an hreng mek.

Constable in a service rifle a hmetpuak lai video hi social media lamah a darh nasa viau a, tualchhung mite an lawm lo hle.

Bijoy Dodum hi tualchhung mi ṭhenkhatte nen an inhnial buai avangin silai hi a hmetpuak a, thi leh hliam awm lo mah se helaia cheng mipuiteah hlauhthawnna a thlen a ni. Tirap police ten zankhat an hren hnuin Itanagar-a security cell ah an sawn nghal a ni.

Thil thlen dan an chhuinaah Dodum hian a service rifle hi vawi nga a hmetpuak a, police -te hian cartridge hman tawh pathum a hmunah hian an chhar , a silai hman pawh an mansak nghal a ni.

SP (security) Rohit Rajbir Singh chuan constable chu security office ah in report turin tiin, a hna aṭang hian suspend nghal a ni. Department hi an chhungthu hi an chhui mek bawk.