Assam: UAPA hnuaiah MLA Akhil Gogoi thubuai siamsak

Special National Investigation Agency (NIA) court chuan Thawhlehni, October 22, 2024 khan Unlawful Activities (Prevention) Act, UAPA hnuaiah Assam independent MLA Akhil Gogoi leh a thurualpui mi pathumte chu Citizenship (Amendment) Act dodalna lantirnaa an inhnamhnawih avangin thubuai a siamsak.

Judge SK Sharma, Special NIA chuan Gogoi chu UAPA-a Section 18 (conspiracy) leh IPC section 120B (criminal conspiracy) 153A (promoton of enmity), leh 153B hnuaiah thubuai hi a siamsak niin a counsel, Santanu Borthakur chuan a sawi. Hetih lai hian a thawhpui, Dhaijya Konwar, Bittu Sonowal leh Manash Konwar te chu UAPA section 19 leh IPC secton 120B hnuaiah thubuai siamsak an ni thung.

Court hian NIA chargesheet-a UAPA Section 39 leh IPC section 124A hman tel a rawtna erawh a hnawlsak thung.

Gogoi hi CAA a dodal avangin kum 2019, December 12 kan Jorhat-ah man a lo ni tawh a, a thawhpui dang pathumte hi a tukah man an ni bawk. A pawl din, Krishak Mukti Sangram Samiti chu Assam-a CAA dodalna kawnga hma hruaitu ber niin, kum 2020 khan political pary, Raijor ah a let a ni. Kum 201 state assembly inthlanah Gogoi hian jail-a tang chungin Sibasgar bialah a chuh a, thlan tlin niin, kum 2021, July thla khan thla 15 hren a nih hnuah chhuah a ni ta a ni.