ACAUT-in Angami Youth Organisation a thlawp

Angami Youth Or­ganisation te'n SS Khap­lang-a kaihhruai National Socialist Council of Nagaland (NSCN-K) helpawlte dodalna, non-cooperation resolution an pass chu Against Corruption and Unabated Taxation (ACAUT) chuan an thlawp thu an tarlang a, Kohima-a Naga mite chu NSCN-K helpawl laka “non-cooperation” resolution siam vek turin an ngen.

ACAUT chuan tih­luihna hmanga hel­pawlte'n mipuite hnena chhiah an khawn ṭhin chu eng tan mah ni loin helte hlawkna mai a ni, a ti.

March 26 leh April 25-a Kohima-a Assam Rifle te beihna chu ṭul lo an tih thu ACAUT chuan a tarlang bawk a, tharum thawhna atana hun leh hmun a awm loh thu leh ram hmangaihna chu tharum thawhna hnuaia mipuite tawrhtirna a ni lo, a ti.