M'laya-ah AMEF helpawl hotu an kaphlum

Achik Matgrik Elite Force (AMEF) helpawl hotu, Jack Marak chu kar kalta Inrinni khan North Garo Hills district, Madadrop hmunah police te'n an kaphlum.

Madnadrop khaw chhehvel ramngaw-a AMEF camp bei turin East leh North Garo Hills district police, SWAT team chuan joint operation an nei a, camp-ah hian AMEF hel 10 vel lo awmin Marak-a kahhlum a nih hmain police te leh helte hi rei tak an inkah thu North Garo Hills Superintendent of Police Ramesh Kumar chuan a sawi.

AMEF hel te hi ram hnuaiah an tlanchhe hman vek niin police te chuan an sawi a, an camp aṭangin AK 47 silai pakhat, 9mm pistol pakhat, silai mu 49 leh detonator 16 an man thu an sawi.