Meghalaya: By-election-a BJP candidate atan Bernard Marak ruat

Bharatiya Janata Party (BJP) chuan November 13, 2024-a Meghalaya-a Gambegre assembly constituency by-election lo awm tur atan, Meghalaya party president leh Tura MDC Bernard N Marak chu an candidate atan an ruat.

State BJP thupuangtu, Mariahom Kharkrang chuan Bernard hi mi pathum an buk aṭanga an thlan chhuah thu a sawi. Candidate tur tihchian a nih tak avangin BJP hian campaign an nei ṭan nghal dawn a ni.

Kharkrang chuan Gambegre-a inthlan lo awm turah hian an khingpui turte chu mi challang tak tak, chief minister Conrad K Sangma nupui Mehtab Chandee leh GHADC MDC Sadhiarani Sangma te an ni a, mahse Bernard a larna leh hun rei tak an party-in tualchhung mite thlawpna an lo neihte thlirin, an inrintawk thu a sawi.

By-election hi Lok Sabha inthlanpui neih zawh takah Gambegre bialtu MLA Saleng A Sangma thlan tlin a nih avangin neih a ngai a ni. Inthlan neih tur atan hian Marak bakah candidate dang, GHADC MDC Sadhiarani Sangma (Trinamool Congress), Mehtab Chandee (National People's Party) leh Jingjang M Marak (Congress) te chuan October 25 hmain nomination an thehluh a ngai dawn a ni.